Народ сплачвае дзяржаўную запазычанасць Беларусі

Паводле стану на 1 красавіка 2017 года дзяржаўная запазычанасць Беларусі склала 35 мільярдаў рублёў.

Выплаты дзяржаўнай запазычанасці ў 2017 годзе складуць 3,2 млрд даляраў ЗША. На зніжэнне дзяржаўнай запазычанасці ўплывае, найперш, зніжэнне курсу даляра. Зніжэнне дзяржаўнай запазычанасці сведчыць аб тым, што рэфінансаваць дзяржаўную запазычанасць пакуль не ўдаецца, мяркуе старэйшы аналітык Альпары Вадзім Іосуб.

«Народ здае валюту»

Эканаміст Леў Марголін у інтэрв'ю БДГ заявіў, што нязначнае зніжэнне дзяржаўнай запазычанасці адбылося за кошт продажу валюты насельніцтвам:

- Народ ўпарта нясе валюту ў абменнікі: прадаюць валюты значна больш, чым купляюць. Адпаведна, «лішкі» тут жа ідуць у золатавалютныя рэзервы Нацбанка. Менавіта гэтая акалічнасць і дае магчымасць выплачваць дзяржаўную запазычанасць. 65 мільёнаў даляраў з пачатку года - невялікая сума ў маштабах дзяржавы.

- За першы квартал урад прыцягнуў пазык на суму 169 мільёнаў, а выплаціла - на 308,5 мільёнаў даляраў.

- Акрамя продажу валюты насельніцтвам, ёсць і іншыя крыніцы паступлення валюты. Існуе і абавязковы продаж валюты прадпрыемствамі, хоць і скарачаецца год ад года (у фізічных сумах), змяняецца кошт золата: часам нічога не было і не прыбыло, а кошт на золата падняўся - вось і золатавалютныя рэзервы выраслі. Аднак усё гэта тычыцца невялікіх сум: для дзяржавы 50-100 мільёнаў - гэта нічога. Цяпер атрымалі чарговую рату 300 мільёнаў даляраў ад Еўразійскага фонду стабілізацыі і развіцця - гэта дробязь у маштабах дзяржавы.