У Цюменскай вобласці сышоў пад ваду аэрапорт разам з самалётамі

Тэхніку хацелі ратаваць, але не паспелі.

У Ішыме праз наймацнейшую за 60 з лішнім гадоў паводку затапіла мясцовы аэрадром ДТСААФ, піша kp.ru.

Здарылася гэта яшчэ ў ноч на 6 траўня, калі рака Ішым пачала анамальна прыбываць. Нагадаем, што 5 траўня ў горадзе быў уведзены рэжым НС, калі за дзень з 4 траўня ўзровень вады ў рацэ павялічыўся на 88 см, а потым яшчэ некалькі дзён рака дадавала па 50-60 см.

Перон з самалётамі, узлётна-пасадкавыя палосы, пабудовы аэрадрома - усё апынулася ў вадзе. Цяпер на аэрадроме нялётнае надвор'е, а хутчэй плавальнае. Дабрацца да яго можна толькі на чоўне.

- Усё здарылася раптоўна зранку 6 траўня. Да 9 гадзін раніцы вада паднялася ўжо на паўметра. Змог узляцець толькі самалёт-амфібія. Цяпер чакаем, калі вада спадзе, але нас ужо папярэдзілі, што 13 траўня чакаецца новы ўздым, - цытуе РІА «Новости» інструктара-парашутыста арганізацыі Юрыя Багданава.

Паводле некаторых звестак, затопленымі апынуліся дзевяць самалётаў, у тым ліку пяць бартоў Ан-2, Як-55, Л-29 і іншыя. Многія з іх былі няспраўныя і падлягалі спісанню. Трэба адзначыць, што самалёты планавалі ратаваць, перагнаўшы іх на суседні аэрапорт, але вада прыбыла занадта імкліва. Папросту не паспелі...Рамонт самалётаў і інфраструктуры аэрадрома абыдзецца цяпер, імаверна, у дзясяткі мільёнаў рублёў.

Цікава, што адзін Ан-2, з якія пайшлі пад ваду, з паведамленняў мясцовых СМІ, збіраліся выкарыстоўваць для барацьбы з паводкай. Але таксама не паспелі.