У красавіку ў Беларусі падаражэла бульба
6- 12.05.2017, 19:58
- 10,393
У красавіку прадукты падаражэлі на 0,8%, нехарчовыя тавары - на 0,2%, а платныя паслугі - на 1%.
Паводле звестак Белстата, у красавіку інфляцыя склала 0,7%. Пры гэтым прадукты падаражэлі на 0,8%, нехарчовыя тавары - на 0,2%, а платныя паслугі - на 1%.
З пачатку года інфляцыя ў краіне склала 2,4%. Калі так пойдзе і далей, то да канца года мы будзем мець інфляцыю 7,2%, што ніжэй за 9%, якія запланаваў урад, піша kp.by.
Лідарамі падаражання ў красавіку сталі свежыя памідоры, бульба і капуста. Падняўся кошт мабільнай сувязі на 8,24%. На 10% падаражэлі бананы.
Больш за ўсё патаннелі вінаград, салодкі перац і часнок, а яшчэ на 3,85% знізіліся ў кошце квіткі на самалёт.
Што падаражэла?
- памідоры - 35,14%
- бульба - 29,01%
- капуста - 24,7%
- цыбуля рэпчатая - 18,49%
- мужчынскія летнія чаравікі, сандалеты з натуральнай або штучнай скуры - 15,01%
Што патаннела?
- вінаград - 17,89%
- перац салодкі - 13,59%
- часнок - 6,29%
- агуркі свежыя - 5,12%
- мужчынскія летнія чаравікі, скураныя туфлі - 5,03%