На «Эўравізіі» перамагла Партугалія
213- 14.05.2017, 1:46
- 26,595
Беларусь заняла 17-е месца.
У Кіеве адбыўся фінал міжнароднага песеннага конкурсу «Эўравізія –2017». Пераможцай стала Партугалія, ад якой выступаў Сальвадор Сабрал.
На другім месцы – Балгарыя, на трэцім – Малдова.
Перамогу партугальцу аднагалосна прысудзілі як гледачы, так і журы.
Гэта першая перамога ўдзельніка ад Партугаліі ў гісторыі конкурсу.
27-гадовы Сальвадор Сабрал стаў адзіным канкурсантам «Эўравізіі», які выступіў на малой сцэне без танцавальнага суправаджэння са светлавымі эфектамі. Пасля ўручэння яму крыштальнага мікрафона – галоўнага прыза мерапрыемства – ён выйшаў на сцэну са сваёй сястрой Луізай і выканаў яшчэ раз сваю песню, абматаўшы нацыянальным сцягам Партугаліі стойку мікрафона.
«Я хачу сказаць, што мы жывем у свеце аднаразовай музыкі, фестывальнай музыкі, якая не ўтрымлівае ў сабе ніякага сэнсу, і я думаю, што гэта можа быць перамогай музыкі з людзьмі, якія ствараюць музыку з сэнсам. Музыка – гэта не феерверк, музыка – гэта пачуццё. Так што давайце паспрабуем змяніць гэта і вярнуць сапраўдную музыку», – сказаў Сабрал пасля абвяшчэння вынікаў галасавання.
Пераможца конкурсу самым апошнім з усіх выканаўцаў прыехаў у Кіеў і некалькі разоў прапускаў свае рэпетыцыі праз стан здароўя – у спевака дыягнаставаны парок сэрца.
У фінале ўдзельнічалі музыкі з 26 краінаў.
Беларускі гурт Naviband заняў 17-е месца. Песня Арцёма Лук'яненкі і Ксеніі Жук на беларускай мове набрала 83 балы. Максімальную адзнаку – 12 балаў – беларусам далі Азербайджан і Украіна.
Таксама 7 балаў прадстаўнікам Беларусі дала Аўстрыя, 5 балаў – Харватыя, 3 балы – Грэцыя, Малдова, 2 балы – Балгарыя, Латвія, Мальта, 1 бал – Вялікая Брытанія, Ізраіль.
1 месца
2 месца
3 месца
4 месца
5 месца
6 месца
7 месца
8 месца
9 месца
10 месца