У Віцебску гарэў будынак прадпрыемства
1- 15.05.2017, 18:16
- 25,811
У Віцебску загарэўся фасад будынка прадпрыемства для вытворчасці гандлёвага абсталявання.
Пра гэта паведамілі БелТА ў абласной управе МНС.
Паведамленне аб узгаранні паступіла ў МНС сёння а 14.19. Назіраўся дым з-пад металічнага аздаблення сцяны фасада вытворчага будынка прадпрыемства. Гарэў уцяпляльнік на плошчы 30 кв.м. Работнікамі прадпрыемства да прыбыцця падраздзяленняў МНС былі эвакуяваны 10 чалавек і пададзена 2 унутраныя пажарныя краны на тушэнне агню.
На момант узнікнення пажару прадпрыемства працавала. Узгаранне ліквідаванае а 14.40, пацярпелых няма, здарэнне не паўплывала на вытворчы працэс.
Прычына пажару высвятляецца. Адная з версій - парушэнне супрацьпажарных патрабаванняў пры правядзенні зварачных работ.