Беларускія ваенкаматы пачалі адпраўку прызыўнікоў у войскі
16- 16.05.2017, 11:21
- 19,735
У першы дзень у войскі накіраваны блізу 1 тысячы прызыўнікоў.
Яны папоўняць шэрагі сіл спецыяльных аперацый, сухапутных войскаў і Менскай вайсковай камендатуры, паведамляе БелТА.
Усяго гэтай вясной на ўкамплектаванне Узброеных Сіл, іншых войскаў і воінскіх фармаванняў Беларусі плануецца накіраваць блізу 10 тыс. чалавек. Службу ў рэзерве будуць праходзіць блізу 1 тыс. прызыўнікоў.
У вайсковых камісарыятах краіны завяршаецца медыцынскі агляд прызыўнікоў. Раённымі прызыўнымі камісіямі ўжо прынята больш за 30 тысяч пастаноў, пададзена больш за 20 тыс. адтэрміновак, большую частку з якіх складаюць адтэрміноўкі для працягу адукацыі.
Адпраўка новага папаўнення ў войскі, якая пачалася 15 траўня, з абласных зборных пунктаў краіны будзе доўжыцца да 31 траўня. Цырымонія прыняцця вайсковай прысягі ў злучэннях і воінскіх часцях Узброеных Сіл адбудзецца 10 чэрвеня. У траўні будуць звольненыя ў запас вайскоўцы, тэрмін службы якіх скончыўся.