Беларусы скарацілі выдаткі ў крамах
17- 18.05.2017, 19:03
- 22,350
Луканоміка прымушае беларусаў эканоміць на прадуктах.
Раздробнае тавараабарачэнне ў студзені-красавіку гэтага года знізілася на 0,9% у параўнанні да аналагічнага перыяду мінулага года. Усяго за чатыры месяцы гэтага года беларусы пакінулі ў крамах 11,6 мільярда рублёў. Пра гэта паведамляе tut.by са спасылкай на Белстат.
Пры гэтым тавараабарачэнне ў грамадскім харчаванні нават нязначна вырасла - на 0,5% у параўнанні з 2016 годам і склала 636 мільёнаў рублёў.
Мяркуючы са статыстыкі, тавараабарачэнне сёлета паступова расце. Калі ў студзені гэтага года раздробнае тавараабарачэнне знізілася ў супастаўных коштах на 4,6% (у студзеня 2016 падзенне складала 2%), то за чатыры месяцы сукупнае падзенне ў параўнанні з мінулым годам не склала і аднаго адсотку.