28 сакавiка 2024, Чацвер, 12:47
Падтрымайце
сайт
Сім сім,
Хартыя 97!
Рубрыкі

Навальны абвясціў пра раскрыццё картэля «кухара Пуціна»

11
Навальны абвясціў пра раскрыццё картэля «кухара Пуціна»

Расейскі апазіцыянер апублікаваў новае антыкарупцыйнае расследаванне.

Расейскі апазіцыянер Аляксей Навальны апублікаваў вынікі новага антыкарупцыйнага расследавання ў дачыненні да рэстаратара Яўгена Прыгожына, якога называюць «кухарам Пуціна».

Заснаваны Навальным Фонд барацьбы з карупцыяй (ФБК) раскрыў картэль Прыгожына, які, імітуючы канкурэнцыю, атрымаў 23 мільярды рублёў з абарончай замовы, не менш за траціну якіх былі выкрадзены, паведамляе navalny.com.

22 траўня Федэральная антыманапольная служба павінна вынесці пастанову аб картэлі. У сувязі з гэтым Навальны выказаў асцярогу, што ўстанова не стане ціснуць на чалавека з атачэння прэзідэнта Расеі і моцна змякчыць справу, прызначыўшы мінімальныя штрафы ці ўвогуле закрыўшы яе.

Навальны адзначае, што менавіта Прыгожын стаіць за нападам на Сяргея Мохава - мужа юрысткі ФБК Любові Собаль, якая ўдзельнічала ў расследаванні так званай «справы кухара».

У 2012-2015 гадах, як сцвярджаюць у ФБК, кампаніі «кухара Пуціна» Яўгена Прыгожына незаконна атрымалі шматмільярдныя кантракты на пастаўку прадуктаў харчавання для Мінабароны і на рамонт у вайсковых частках. У 2016 годзе Прыгожын быў унесены ў санкцыйных спіс ЗША - як «фундатар і агент вышэйшых службовых асобаў Расеі».

Напісаць каментар 11

Таксама сачыце за акаўнтамі Charter97.org у сацыяльных сетках