Усманаў наважыў выкупіць «Арсэнал» за $1,3 мільярда

На гэты момант Усманаў валодае дзеллю 30,04% у капітале лонданскага футбольнага клуба.

Расейскі бізнэсовец Алішэр Усманаў зрабіў прапанову амэрыканскаму прадпрымальніку Стэну Кронке аб куплі ягонай дзелі ў лонданскім футбольным клубе «Арсэнал» за $1,3 млрд. Пра гэта даведалася газэта Financial Times ад трох крыніц, знаёмых з сітуацыяй, паведамляе republic.ru.

На гэты момант Усманаў валодае дзеллю 30,04% у капітале «Арсэнала». Дзель Кронке складае 67,02%.

Пакуль Кронке ніяк не адказаў на прапанову расейскага мільярдэра, якая паступіла яшчэ ў красавіку. Неафіцыйна ён заяўляў, што не плануе прадаваць дзель Усманаву або іншым асобам.

У лютым 2016 года Ўсманаў стаў уладальнікам клуба ангельскай прэм'ер-лігі «Эвэртан». Акрамя інвеставання ў спорт, Усманов з'яўляецца дырэктыўным уладальнікам ТАА «Камерсант Холдынг», заснавальнікам USM Holdings, які аб'ядноўвае кампаніі «Металаінвест», аператараў сувязі «Мегафон» і «Скартэл», Mail.Ru Group, шэраг тэлеканалаў. Таксама стала вядома аб тым, што холдынг Усманава ўваходзіць у лік інвестараў сэрвісу таксі Uber.

Футбольны клуба «Арсэнал» выступае ў Прэм'ер-лізе і ў гэтым сэзоне займае пятае месца. У 2014 годзе «Арсэнал» у спісе Forbes увайшоў у рэйтынг самых дарагіх футбольных клубаў свету, заняўшы 5-е месца.