Два аўтамабілі з п'янымі кіроўцамі сутыкнуліся ў Менску
17- 20.05.2017, 13:41
- 9,092
Адзін з удзельнікаў аварыі – таксіст.
Пра гэта паведамляе БелТА са спасылкай на прадстаўніка ДАІ Фрунзенскага раёна Алену Воўчак.
ДТЗ адбылося раніцай 20 траўня. Кіроўца таксі Dodge ехаў па вуліцы Прытыцкага з боку вуліцы Кунцаўшчыны ў напрамку вуліцы Нёманскай. «Ён рухаўся ў трэцяй паласе. Пры перастройванні ў другую паласу сутыкнуўся з аўтамабілем Volkswagen. Кіроўцы выйшлі, таксіст прапаноўваў разабрацца без ДАІ, але другі ўдзельнік ДТЗ настаяў на выкліку інспектараў. Прыбылыя супрацоўнікі Дзяржаўтаінспекцыі ўбачылі, што кіроўца таксі спіць на заднім сядзенні сваёй машыны, – распавяла Алена Воўчак.
Абодвух кіроўцаў даставілі на медэкспертызу. У крыві таксіста выявілі 2,41 праміле алкаголю. У кіроўцы Volkswagen – 0,35 праміле.
Машыны ўдзельнікаў ДТЗ даставілі на штрафстаянку.