На НТВ жорстка высмеялі Лукашэнку з «цэсарэвічам»
83- 21.05.2017, 8:27
- 27,654
Аб'ектам жартаў Тыграна Кеасаяна стала паездка дыктатара ў Кітай.
Вядоўца НТВ Тыгран Кеасаян у «Міжнароднай пілараме» высмеяў паездку Лукашэнкі ў Кітай разам з сынам Мікалаем. А таксама намякнуў, што Пуціну з Лукашэнкам не па шляху.
«Гэта толькі мне здаецца, што ў навінах пра сына Лукашэнкі заўсёды не стае слова «цэсарэвіч»? У Беларусі папулярны жарт, што Лукашэнка будзе кіраваць да Колі. Мяркуючы па Колю, чакаць засталося нядоўга.
Сын прэзідэнта Мікалай уручыў шкатулку жонцы кітайскага лідара... Так і бачу, як жонка кітайскага лідара з нецярпеннем адкрывае шкатулку, а там - о, цуд! - жменю беларускага бульбянога насення.
Што было ў скрыначцы, не паведамляецца. Але ў знак падзякі яна пацалавала хлопчыка ў абедзве шчакі...расцалаваць хлопца ў абедзве шчакі! Прыехаў у Кітай хлопчыкам, а вернецца мужчынам. Можа, для гэтага яго бацька па старой звычцы ў Кітай і павёз. Цяпер Коля Лукашэнка можа смела выклікаць у школу бацькоў...дырэктара школы.
Дзейны Лукашэнка прадэманстраваў Пуціну падрослага будучага Лукашэнку. Чамусьці прадэманстраваў яго і Эрдагану. Мабыць, верыць у знакамітае турэцкае даўгалецце.
Пазбавіўшыся ад сына, Лукашэнка з цікавасцю пазіраў на румяную гуслярку. Ён даўно зразумеў, што адзін сын - яшчэ не гарантыя спакойнай старасці.
Лукашэнка з пакуль яшчэ адзіным спадкаемцам трона сціпла лавілі таксоўку...»
Па шляху да «таксоўкі» Лукашэнка бачыць Пуціна і падыходзіць да яго, выкрыкваючы на хаду: «Не па шляху!».
«Гэта і кітайскай ластаўцы зразумела, што нам не па дарозе, - падумаў Пуцін, але ўслых толькі ўсміхнуўся», - тлумачыць закадравы голас.