Надзвычайнае здарэнне на сталічным заводзе ААТ «МАПІД»: трое рабочых у бальніцы

На заводзе адбыўся выбух.

22 траўня на панэльным заводзе ў Менску на вуліцы Р. Люксембург трое рабочых атрымалі сур'ёзныя траўмы.

Паводле непацверджанай інфармацыі, адбыўся выбух. Абставіны здарэння цяпер высвятляюць следчыя, піша tut.by.

Інцыдэнт адбыўся ў адным з цэхаў завода буйнапанэльнага домабудавання №1 ААТ «МАПІД» на вуліцы Р. Люксембург, 205.

Паводле расказаў работнікаў, трое чалавек трапілі ў бальніцу (у тым ліку адна жанчына). Самыя цяжкія траўмы атрымаў зваршчык, якога ўдарнай хваляй адкінула на некалькі метраў.

Паводле факта траўмавання трох рабочых праводзіцца праверка, распавёў афіцыйны прадстаўнік Упраўлення Следчага камітэта Менска Аляксей Клімовіч.

— Паводле папярэдняй інфармацыі, пры правядзенні работ з корабам для фармавання пліт адбылося ўзгаранне лятучай вадкасці. У рамках праверкі следчымі апытваюцца супрацоўнікі прадпрыемства, канфіскавана тэхнічная дакументацыя, — распавёў Аляксей Клімовіч.

Узрост пацярпелых мужчын — 26 і 30 гадоў, а таксама 46-гадовая жанчына.

Экспэрты Дзяржкамітэта судовых экспертыз праводзяць шэраг комплексных экспэртыз.