Віктар Данілаў просіць беларусаў пісаць патрыётам больш лістоў

23.05.2017, 21:51
11,379

Напісаць затрыманым у «справе патрыётаў» можа кожны.

«Наша Ніва» працягвае публікацыю лісты з няволі беларускіх патрыётаў, якія знаходзяцца ў следчых ізалятарах паводле падазрэння ў «падрыхтоўцы масавых непарадкаў».

«Прыходзіў адвакат. Распавёў, як справы нашы рухаюцца. Што адбываецца навокал. На жаль, няшмат інфармацыі я маю пра навакольнае. Калі ласка, падпішыце мяне на «Народную волю», «Нашу Ніву». Тэлевізара ў нас няма - і гэта вельмі радуе. Галава адпачывае. Але з інфармацыяй, вядома, цяжкавата».

«Пішуць шмат людзей, як я казаў, гэта цудоўна. Вельмі хачу верыць, што і астатнім хлопцам пішуць не менш. Пішыце ім. Можа і дзяўчат папрасіце - у Воўкі [Уладзіміра Румянцава - заўвага] 30 траўня Дзень народзінаў. Яму вельмі прыемна будзе».

«Дні цяпер крыху аднастайныя. Ад світанку да заходу. Пачаў чытаць «Дзікае паляванне..». Гатычненька, як цяпер прынята казаць. Вельмі добра пайшло. Я нават спрабую сябе ў чытанні стрымліваць. Па-першае, каб вочы адпачывалі, па-другое, каб расцягнуць задавальненне».