У лясах пад Уладзімірам знайшлі мільярды савецкіх рублёў

Выказана версія, што менавіта гэта і ёсць «золата партыі».

Мільярды рублёў выявілі ў лясах Уладзімірскай вобласці. Ракетныя шахты цалкам набітыя купюрамі, і іх тут вымяраюць тонамі. Ёсць версія, што гэта золата партыі, але мала верыцца, што хтосьці такім чынам стаў бы хаваць грошы.

Тут куды не наступі, патрапіш на купюру: савецкія чырвонцы, паўрубель, сотні, якія ў тыя часы нават убачыць было вялікай рэдкасцю, раскіданыя па лясной паляне, паведамляе тэлеканал «Звезда».

Пад нагамі даследчыкаў з Пецярбурга былі раскіданыя мільярды савецкіх рублёў. Гэтыя некалі скарбы вялікай краіны патопленыя ў балоце пад Уладзімірам. У часы СССР - месца сакрэтнае, стратэгічнай важнасці. Тут знаходзілася пускавая шахта міжкантынентальных балістычных ракет. Перш чым дакранацца да купюраў, правяраюць узровень радыяцыі.

Пасля распаду Саюза і падпісання дамовы аб скарачэнні ядзерных сіл зброю вывезлі, а шахты глыбінёй блізу дваццаці метраў закансервавалі. Скідаць сюды старыя грошы пачалі ў дзевяностых. У абарот уваходзілі новыя, расейскія купюры.

Частку фінансавага запасу былога саюза тады адправілі на ўтылізацыю. Спальваць грошы, у момант пераўтвораныя ў нікому непатрэбныя каляровыя паперкі, павінны былі ва Украіне. Але аб'ём быў настолькі велізарны, што вывезці і ўтылізаваць усё і адразу было немагчыма. Спальваць абы-дзе таксама было нельга.

Аднак, акрамя значнага выгляду раскіданых па зямлі грошай, каштоўнасці ў знаходкі няма ніякай. Гэта ўсяго толькі паперкі, што не маюць ніякай цікавасці нават для баністаў.

Гэтая знаходка дакладна не апошняя. Вакол Масквы, у лясах Кастрамской, Іванаўскай, Уладзімірскай абласцей такіх некалі сакрэтных савецкіх шахт - дзесяткі. Гісторыкі сцвярджаюць, усе гэтыя гады ў іх можа гніць да пяцісот тон савецкіх рублёў. Колькі гэта ў пераліку на дакладную суму, сказаць складана, але мяркуючы па аб'ёмах, пад зямлёй захоўваецца не адзін дзясятак былых мільярдаў.