Пад Івацэвічамі загарэўся цягнік Менск-Берасце
1- 24.05.2017, 9:02
- 20,784
47 пасажыраў эвакуявалі з вагона.
Узгаранне ў тамбуры вагона пасажырскага цягніка №607 Менск-Берасце адбылося на чыгуначнай станцыі Івацэвічы. Такая інфармацыя размешчана на сайце Міністэрства надзвычайных сітуацый Беларусі, паведамляе БелТА.
Паведамленне пра загаранне паступіла 23 траўня а 16.19. Пацярпелых няма. Да прыбыцця падраздзяленняў МНС 47 пасажыраў самастойна пакінулі вагон.
Агнём пашкоджана ўнутраная ашалёўка тамбура. Затрымка ў руху цягніка склала 45 хвілін. Прычына загарання вызначаецца.