Жыхары вуліцы Цэнтральнай абаранілі сквер

Адміністрацыя раёна паабяцала жыхарам Цэнтральнай вуліцы разгледзець іншыя варыянты пракладкі цеплатрасы.

Жыхарам вуліцы Цэнтральнай паабяцалі разгледзець іншыя варыянты пракладкі новай цеплатрасы, якія не прымусяць высякаць сквер пад іх вокнамі. У гэтым іх запэўнілі на сустрэчы з кіраўніком адміністрацыі Заводскага раёна, куды прыйшлі праекціроўшчыкі і заказчыкі праекта, піша tut.by.

Журналістаў на сустрэчу не пусцілі, але пасля яе жыхары раёна распавялі, што пакуль дрэвы секчы не будуць. Жыхарам вуліцы Цэнтральнай паабяцалі разгледзець іншыя варыянты пракладкі новай цеплатрасы, якія не прымусяць высякаць сквер пад іх вокнамі. У гэтым іх запэўнілі на сустрэчы з кіраўніком адміністрацыі Заводскага раёна, куды прыйшлі праекціроўшчыкі і заказчыкі праекта. Журналістаў на сустрэчу не пусцілі, але пасля яе жыхары раёна распавялі, што пакуль дрэвы секчы не будуць.

- Нам паабяцалі, што цяпер ніхто нічога высякаць не будзе, будуць разглядацца іншыя варыянты пракладкі труб. У тым ліку тыя два варыянты, якія ўчора абмяркоўвалі: пракласці на месцы старой трасы або высечы толькі частку дрэў. Сказалі таксама, што ў любым выпадку, калі ўсе дрэвы ўсё ж высякуць, то пасадзяць на іх месца 300 дрэў, зробяць прыгожую алею і праз 10 гадоў у нас зноў будзе прыгажосць, - распавядае жыхарка аднаго з дамоў Ганны. - Куды садзіць абяцалі спытаць у нас. Будзем чакаць пастановы.

Дырэктар «Менскіх цеплавых сетак», якія з'яўляюцца заказчыкам праекта, Аляксандр Бузо пацвердзіў, што цяпер спецыялісты будуць шукаць варыянт развязання праблемы.

- Высечка дрэў прыпыненая. Будуць пралічвацца варыянты змены праекта. На сёння іх некалькі: пракладваць цеплатрасу там, дзе і планавалі, на месцы старой трасы або пракладваць на зялёнай зоне, але зрушыць бліжэй да дарогі, каб высечы менш дрэў. Усе варыянты трэба аблічваць, таму што яны розныя па тэрмінах, па адказнасці, па кошту работ, - распавёў Аляксандр Бузо.

Энэргетыкі кажуць, што варыянт пакінуць трасу пад дарогай тэхнічна самы няправільны.

- Калі новую трасу пракласці там, дзе цяпер старая, пад дарогай, то праз 10-15 гадоў яна зноў пачне ржавець. Тыя трубы, што ляжаць там цяпер, паклалі ў 1992 годзе. Колькі яна ляжала? 25 гадоў і пачаліся праблемы. Таму што пад дарогай пракладваць цеплатрасу няправільна: яе раз'ядае рэагентамі. І калі цяпер новыя трубы пракласці туды, дзе ляжаць старыя, то потым іх зноў давядзецца мяняць, - тлумачыць Аляксандр Бузо. - У любым выпадку, калі пакінуць трасу пад дарогай, патрэбна яшчэ тэхналагічная дарога для магчымасці кладкі новых труб. Гэта значыць частку дрэў усё роўна спілуюць. І калі будзе абраны варыянт са зрушэннем цеплатрасы бліжэй да дарогі, то секчы таксама давядзецца. Можа, не 135 дрэў, а дзесьці парадку 40-80, але без гэтага ніяк.

Тэрмінаў, за якія трэба змяніць праект, кіраўнік адміністрацыі энэргетыкам не назваў. Усе варыянты вырашэння праблемы павінны быць старанна разгледжаны і пралічаныя.

На месцы спілаваных дрэў, як і абяцалі, плануюць высадзіць 2-7-гадовыя дрэвы. План высадкі кампенсацыйных пасадак энэргетыкі і зелянбудаўцы гатовыя абмяркоўваць з мясцовымі жыхарамі. Дарэчы, на мінулым тыдні пачалі высечку дрэў, якія стаяць прама пад вокнамі, а не тыя, што праходзяць ля старой трасы. Жыхары дамоў пацікавіліся ў энэргетыкаў, чаму менавіта з іх.

- Таму што чым бліжэй мы рухаемся да дарогі, тым больш праблем з паралельнымі камунікацыямі: там ідзе два латкі з сувяззю, там вадаправод, каналізацыя, шэраг іншых камунікацый. Гэта стары горад: куды ні капай, усюды ёсць камунікацыі, - патлумачыў Аляксандр Бузо.