Данкверт: Мы за свае аналізы адказваем

Кіраўнік Рассельгаснагляду адпрэчыў крытыку Зайца.

Рассельгаснагляд адказвае за свае праверкі і вынікі аналізу малочнай прадукцыі Беларусі, заявіў кіраўнік службы Сяргей Данкверт журналістам у чацвер, піша interfax.by.

«Мы за свае аналізы адказваем, у нас усе методыкі правераныя, усё зроблена», - сказаў ён.

Калі Беларусь уважае прэтэнзіі расейскага службы за неабгрунтаваныя, то яна можа звярнуцца ў суд, дадаў ён.

Як паведамлялася, Рассельгаснагляд выявіў у беларускай малочнай прадукцыі рэшткавую колькасць антыбіётыкаў, у тым ліку і тых, якія могуць мець пабочныя дзеянні для здароўя чалавека. Паведамлялася таксама, што выяўляліся рэшткі лекаў, прызначаных для лячэння пранцаў.

Напярэдадні кіраўнік Мінсельгасхарча Беларусі Леанід Заяц заявіў, што прэтэнзіі ў выяўленні ў беларускай прадукцыі антыбіётыкаў надуманыя і не пацвярджаюцца рэальнымі фактамі.

Разам з тым ён паведаміў, што кантроль за выпушчанай у рэспубліцы прадукцыяй будзе больш жорсткім.