Беларускі рубель знізіўся да даляра і еўра перад выходнымі

На валютных таргах 26 траўня амерыканская валюта і еўра падаражэлі.

Пра гэта паведамляе сайт Беларускай валютна-фондавай біржы.

Падчас таргоў курс еўра вырас на 0,0066 рубля (0,32%) да 2,0868 рубля.

Курс даляра вырас на 0,0078 рубля (0,42%) і склаў 1,8598 рубля.

Курс расейскага рубля (за 100 адзінак) знізіўся на 0,0212 рубля (0,64%) і склаў 3,2799 беларускага рубля за 100 расейскіх.