Беларуска здабыла два «срэбры» ў велагонцы ў Францыі

Алёна Амялюсік чарговым разам пераканала заўзятараў у сваім прафесіяналізме.

Беларуска Алена Амялюсік, якая выступае за велагрупу Canyon SRAM, атрымала два другія месцы ў аднадзённых велагонках у Францыі, паведамляе БелТА.

Алена Амялюсік добра вядомая як цудоўная фінішорка, і падчас Grand Prix de Plumelec-Morbihan Dames яна чарговым разам пераканала заўзятараў у сваім прафесіяналізме.

У групе з чатырох чалавек беларуска здолела другой перасекчы фінішную стужку. Раней за яе гэта зрабіла толькі Эшлі Мулман (ПАР), трэцяе месца заняла Сара Гілоў (Аўстралія). За дзень да гэтага ў гонцы La Classique Morbihan ураджэнка Бярозы таксама заняла другое месца.

У камандзе Canyon SRAM не хаваюць, што робяць стаўку менавіта на беларуску на фінішы і імкнуцца вывесці менавіта яе на вызначальны спурт.

«Дзве гонкі прайшлі выдатна для мяне. Апошняя была больш складаней, канкурэнты падтрымлівалі высокі тэмп, часта спрабавалі з'ехаць у адрыў, аднак на фінішы, дзякуючы працы сябровак па камандзе мне ўдалося ўклініцца ў квартэт, які і вызначаў наймацнейшых. Спрынт атрымаўся: два подыумы за два дні. Цудоўна!» - падзялілася Алена Амялюсік.

Наступную гонку OVO Energy Women's (7-11 чэрвеня) у складзе каманды Canyon SRAM беларуска правядзе ў Вялікай Брытаніі.