Справа Шарамета: Апублікаваны загад аб звальненні супрацоўніка СБУ Усціменкі

Служба Бяспекі Украіны паказала ўказ аб звальненні Ігара Усціменкі ад 29 красавіка 2014 года.

«Паводле ўліку кадраў Службы бяспекі Украіны Усціменка Ігар Андрэевіч праходзіў вайсковую службу ў Службе бяспекі Украіны і займаў пасаду аператыўнага супрацоўніка, - гаворыцца ў адказе.

Паказваецца, што загадам старшыні СБУ ад 29.04.2014 № 874-ос Усціменка вызвалены ад вайсковай службы ў запас СБУ, піша «Украінская праўда».

Рэдакцыя расследаванняў «Слідство.Інфо» і журналісты міжнароднай сеткі Organized Crime and Corruption Reporting Project знялі фільм-расследаванне аб забойстве журналіста.

У ім распавядалася, што звязаны з украінскімі спецслужбамі Ігар Усціменка і яшчэ адзін чалавек з вечара 19 ліпеня да позняй ночы 20 ліпеня знаходзіліся недалёка ад дома Шарамета.

Спікерка СБУ Алена Гітлянская паведаміла, што чалавек, заўважаны ля аўто Шарамета перад ягоным забойствам, быў звольнены з СБУ ў 2014 годзе. Кіраўнік СБУ Васілій Грыцак дадаў, што Усціменка звольнілі з СБУ паводле стану здароўя.

МУС выклікала на допыт аўтараў фільма-расследавання, а таксама Усціменку. 15 траўня былы супрацоўнік СБУ з’явіўся ў паліцыю.

Падрабязнасці ягонага допыту невядомыя. Як паведаміла дэпутатка Вярхоўнай Рады Вікторыя Сюмар, Усціменка распавёў, што ў тую ноч вёў назіранне за асобай, якая не мае дачынення да справы Шарамета.