У Менску гарэла кватэра: адзін чалавек загінуў, 10 эвакуявана

Паведамленне пра пажар на вуліцы Гарадзецкай паступіла а 15.53.

Ратавальнікі, якія прыбылі на выклік, устанавілі, што гарыць аднапакаёвая кватэра на 8-м паверсе сталічнага шматпавярховіка. З пад'езда былі эвакуяваныя 10 жыхароў, у тым ліку чацвёра дзяцей.

Як распавёў tut.by афіцыйны прадстаўнік Менскай гарадской управы МНС Аляксандр Папко, калі пажар быў патушаны, у кватэры выявілі абгарэлы труп.

Асоба загінулага і прычыны пажару высвятляюцца.