У Гомелі адбыўся пажар на суднарамонтным заводзе
1- 8.05.2017, 16:06
- 16,048
Прычыны здарэння высвятляюцца.
Вечарам 7 траўня гамельчукі ўбачылі густы дым ля аўтамабільнага моста на вуліцы Хатаевіча, які падняўся на некалькі дзясяткаў метраў.
Паводле інфармацыі сайта gomel.today, блізу 20.15 загарэўся будынак былой транспартнай прахадной Гомельскага суднабудаўніча-сударамонтнага завода. Ужо праз некалькі хвілін да месца здарэння прыбылі дзве спецмашыны МНС, міліцыя а таксама «хуткая дапамога». Ратавальнікі хутка ліквідавалі пажар. Ахвяраў і пацярпелых пры здарэнні няма.
Прычыны пажару высвятляюцца. Наўрад ці пажар справакавала кароткае замыканне электраправодкі, бо экс-прахадная даўно не падключаная да сілавой сеткі.
Дарэчы, апошнім часам завод амаль спыніў сваю вытворчасць. Значная частка яго тэрыторыі перададзена ў арэнду прыватным прадпрыемствам альбо пустуе.