Стакгольмскі арбітраж устаў на бок Украіны ў спрэчцы з «Газпрамам»

Суд таксама прадпісаў расейскай кампаніі перагледзець формулу цаны на газ з 2014 года.

Стакгольмскі арбітраж скасаваў патрабаванне «бяры або плаці» па кантракце «Газпрама» з «Нафтагазам» аб пастаўках газу на Украіну. Суд таксама прадпісаў расейскай кампаніі перагледзець формулу цаны на газ з 2014 года, паведамляе РБК.

Стакгольмскі арбітраж адмовіў «Газпраму» аб спагнанні з «Нафтагаза» 34,5 мільярдаў даляраў

Як паведамляе прэс-служба ўкраінскага нафтагазавага холдынгу, агульныя патрабаванні «Газпрама» да «Нафтагазу», звязаныя з умовай «бяры або плаці», складаюць 34,5 млрд даляраў.

«Стакгольмскі арбітраж цалкам задаволіў патрабаванне «Нафтагаза» паводле прынцыпу take-or-pay», - гаворыцца ў паведамленні кампаніі. Акрамя таго, суд задаволіў патрабаванне «Нафтагаза» аб пераглядзе кантрактнай цаны з улікам рынкавых умоў (гаворка ідзе аб коштаўтварэнні на газ пачынаючы з 2014 года).

У прэс-службе НАК «Нафтагаз Украіны» РБК пацвердзілі, што кампанія атрымала пастанову Стакгольмскага арбітражу, якая «цалкам адхіліла ўмова «бяры або плаці». Акрамя таго, судом была цалкам скасаваная забарона на рээкспарт газу.

У 2015 годзе «Газпрам» падаў пазоў да «Нафтагазу», у якім запатрабаваў спагнаць з украінскай дзяржкампаніі плату за недабор кантрактных аб'ёмаў газу ў 2012-2013 гадах, якую яна павінна была аплаціць паводле правіла take-or-pay («бяры або плаці», штогадовая аплата мінімальнай гадавой колькасці паліва).

Паводле стана на канец траўня патрабаванні «Газпраму» да «Нафтагазу» дасягаюць 47,1 млрд даляраў. Большая іх частка звязана менавіта з умовай «бяры або плаці» (34,5 млрд даляраў) і датычыцца недабору газу ўкраінскім бокам у 2012-2014 гадах, трэцім квартале 2015 года і другім-чацвёртым квартале 2016 года.

Камерцыйны дырэктар «Нафтагаза Украіны» Юры Вітрэнка ў сакавіку дапускаў, што ў выпадку пройгрышу «Газпраму» ў Стакгольмскім арбітражы ўкраінскую кампанію чакае банкруцтва.