Пуцін пра замахах на сябе: Каму наканавана быць павешаным, той не патоне

Пра гэта кіраўнік РФ заявіў у інтэрв'ю рэжысёру Оліверу Стоўну.

Прэзідэнт Расеі Уладзімір Пуцін на пытанне рэжысёра Олівера Стоўна аб замахах заявіў: «У нас ведаеце, як кажуць у народзе? Каму наканавана быць павешаным, той не патоне». Паводле ягоных слоў, ён давярае сваёй службе бяспекі, піша «Медуза».

Фрагмент інтэрв'ю паказаў тэлеканал CBS.

Падчас інтэрв'ю Олівер Стоўн кажа пра пяць невядомых замахаў на Уладзіміра Пуціна.

Колькі ўсяго планавалася замахаў на Уладзіміра Пуціна, невядома. У СМІ пералічвалася блізу дзесяці выпадкаў, так ці інакш звязаных з замахам на расейскага прэзідэнта.

Олівер Стоўн цяпер заканчвае здымаць фільм пра Уладзіміра Пуціна. Яго пачнуць паказваць 12 чэрвеня.