Шакуцін хоча на свой новы холдынг $150 мільёнаў

Холдынг будзе базавацца ў Дзяржынску.

«Амкадор» стварыў холдынг у вытворчасці сельгасмашын і агрэгатаў для сельгасвытворцаў. У «Амкадор-Семаш» увайшлі ТАА «Амкадор-Можа», ААТ «Амкадор-Семаш». Неўзабаве да іх далучацца УП «Амкадор-Домз» і СТАА «Элезер», піша belmarket.by.

Прадпрыемствы, якія ўваходзяць у новых холдынг, займаюцца вытворчасцю зернесушыльных комплексаў, зернеачышчальных машын, іншага абсталявання ў дапрацоўцы збожжа, глебаапрацоўчай тэхнікі, раскідвальнікаў арганічных угнаенняў, універсальных прычэпаў, змяшальнікаў-кармараздатчыкаў і г.д. Холдынг будзе базавацца ў Дзяржынску.

У развіццё «Амкадор-Семаш» плануецца ўкласці 150 млн даляраў. Холдынг таксама павінен будзе асвоіць вытворчасць новых відаў сельгастэхнікі, стаўку плануецца рабіць на айчынныя камплектуючыя. Прадпрыемства будзе займацца і лакалізацыяй вытворчасці заходніх узораў. Інвестыцыі пойдуць на рэканструкцыю заводаў, набыццё новага абсталявання.

«Амкадор» таксама рэалізуе два праекты з кітайскімі партнёрамі. У Калодзішчах пачынаецца будаўніцтва новага завода, які будзе выпускаць пагрузчыкі і аўтатрактарную тэхніку. Яшчэ на базе двух прадпрыемстваў холдынгу рэалізуецца праект у стварэнні вытворчасці гідраўлічных вузлоў. Для гэтых мэтаў прыцягваюцца кітайскія крэдыты больш, чым на 300 млн. даляраў.