Лукашэнка таемна павялічыў сваю адміністрацыю?
77- 15.06.2017, 8:24
- 17,272
У адміністрацыі дыктатара насуперак абвешчанаму «скарачэнню» быў створаны новы аддзел.
Пра гэта ў незалежным расследаванні піша беларускі блогер d-zholik.
«Лукашэнка сакрэтным указам з грыфам «Для службовага карыстання» павялічыў структуру ўласнай адміністрацыі. Адпаведная пастанова была прынятая ім акурат у той дзень, калі колькасць адміністрацыі павінны былі скараціць на 30%.
Яшчэ ў лютым, калі толькі было афіцыйна абвешчана пра будучае скарачэнне чыноўнікаў адміністрацыі Лукашэнкі, я выказаў сумневы з гэтай нагоды.
1 траўня Лукашэнка выдаў засакрэчаны указ №142-ДСП, якім пацвердзіў відавочнае - скарачаць бюракратаў ягонай адміністрацыі, насуперак агучанаму, не будуць.
Зацверджаная толькі ў пачатку гэтага года абноўленая структура адміністрацыі не паспела ўвайсці ў дзеянне, як Лукашэнкам у яе былі ўнесены чарговыя змены: пад даўнюю фаварытку Дар'ю Шманай утвораны аддзел дзяржаўнага пратаколу прэзідэнта.
Нязначны адсотак клеркаў адміністрацыі планава адправілі ў адстаўку, забяспечыўшы за кошт падаткаплатнікаў «залатымі парашутамі» і пенсіяй адпаведна выслузе, і ў парадку пераводу распіхалі па іншых прэзідэнцкіх структурах з засакрэчанай колькасцю.
На паперы значнае скарачэнне, а фактычна - усе на сваіх месцах».