Павел Левінаў: Салідарнасць - вялікая сіла

Змагар-праваабаронца з самаўпраўствам уладаў Беларусі атрымаў больш за 70 лістоў - ад Францыі да Расеі і ад Нарвэгіі да Украіны.

Пра гэта віцебскі праваабаронца Павел Левінаў, які выйшаў на волю пасля 15 дзён адміністрацыйнага арышту, напісаў у «Фэйсбуку».

«Дарагія сябры! Дзякуй вам за падтрымку і салідарнасць, якія вы праяўлялі ўсе 15 дзён майго знаходжання за калючым дротам! Нягледзячы на адзіночнае ўтрыманне ў камеры, быў не адзін: больш як 70 лістоў і паштовак паступілі з усіх куткоў Беларусі, ад Францыі да Расеі і ад Нарвэгіі да Украіны! Пісалі сябры, калегі, знаёмыя і незнаёмыя мне людзі! Тыя хто не ўмее яшчэ пісаць, слалі малюнкі! Гэта дарагі скарб! Салідарнасць - вялікая сіла!!!»