У Берасці правялі крэатыўную акцыю супраць кантралёраў-даносчыкаў

Найбольш заўзятых работнікаў аўтапарка заклікалі адстаць ад вынаходлівых студэнтаў.

У Берасці насупраць гарадскога аўтапарка актывістамі быў вывешаны банер «Аўтапарк, адчапіся ад студэнтаў», паведамляе сайт revbel.org.

Гэта рэакцыя на дзеянні кантралёраў, якія заклікаюць дэканаты пакараць студэнтаў навучальных устаноў за тое, што яны знаходзяцца ў групе «Кантралёры-рэвізоры Берасце», ды інфармуюць пра месцазнаходжанне кантралёраў грамадскага транспарту.

«Хочацца верыць, што пасля гэтага студэнты і ўдзельнікі групы з’яднаюцца і будуць яшчэ больш актыўныя», - пішуць удзельнікі акцыі.