Футбалістам «Нафтану» не плацяць заробак ужо пяць месяцаў
8- 17.06.2017, 14:55
- 14,977
Галоўны трэнер «Нафтана» Алег Сідарэнка распавёў пра праблемы клуба.
- Калі не сакрэт, калі вы апошнім разам атрымлівалі заробак?
- У сакавіку нам пералічылі зусім нязначную суму. На сёння запазычанасць клуба перад гульцамі і трэнерамі складае пяць месяцаў, - распавёў by.tribuna.com Алег Сідарэнка.
- Прабачце, але здаецца, што «Нафтан» можа зняцца з чэмпіянату пасля першага кола.
- Сёння ў клуба ёсць абавязкі перад футбалістамі за 2014 год. Мы пастаянна на кантролі ў федэрацыі. Ёсць шмат праблем, якія я не маю права агучваць. Сёння наша асноўная задача - проста захаваць клуб, каб хаця б дайграць сезон да канца. Вядома, можна крычаць, што «Нафтан» павінен падолець БАТЭ, «Шахцёр» або берасцейскае «Дынама», але цяпер мы з гэтымі камандамі, як слон і Моська. Такая рэальнасць.