Майкл Фелпс здзейсніць заплыў навыперадкі з белай акулай
2- 17.06.2017, 16:01
- 13,786
Майкл Фелпс – адзіны ў гісторыі спорту 19-разовы алімпійскі чэмпіён у плаванні.
Знакаміты плывец Майкл Фэлпс, які ўтрымлівае тытул самага паспяховага спартоўца ў гісторыі Алімпійскіх гульняў, возьме ўдзел у заплыве навыперадкі з вялікай белай акулай для тэлепраграмы на канале «Дыскаверы», паведамляе расейская служба BBC.
«Самы тытулаваны спартовец у свеце супрацьстаіць самаму эфектыўнаму драпежніку акіяна», – анансуе «Дыскаверы» будучую гонку.
Шанцы Фелпс на перамогу здаюцца невялікімі: амерыканец здольны развіць у вадзе хуткасць да 6 міляў за гадзіну (9,6 км\г), а акула – да 25 міляў за гадзіну (40,2 км\г).
На думку прадстаўніка Аўстралійскага грамадства захавання мораў Туні Мата, у гонцы пераможа акула.
«Мы ўсе можам быць упэўненыя, што гонка Фелпса і акулы будзе праходзіць не ў алімпійскім басейне. Я думаю, што будзе параўноўвацца хуткасць чалавека ў вадзе і хуткасць арганізма, які цягам мільёнаў гадоў развіваўся ў водным асяродку і ідэальна да яго прыстасаваны», – кажа Мата.
Майкл Фелпс – адзіны ў гісторыі спорту 19-разовы алімпійскі чэмпіён у плаванні.
Белая акула – адна з найбуйнейшых драпежных рыбаў на Зямлі, можа дасягаць сямі метраў у даўжыню.