На Кубку канфедэрацый упершыню ў гісторыі адмянілі гол пасля відэапаўтору
3- 18.06.2017, 21:57
- 13,267
Узяцце брамы было ануляванае ў зборнай Партугаліі ў матчы з Мексікай.
Абаронца зборнай Партугаліі Пепе ў гульні Кубка канфедэрацый – 2017 супраць Мексікі ў Казані на 21-й хвіліне адправіў мяч у сетку брамы спаборніка. На табло на карысць Партугаліі загарэлася «адзінка» – 1:0, піша «Прессбол».
Аднак пасля кансультацыі з відэаасістэнтам галоўны арбітр сустрэчы Нестар Пітана ўзяцце брамы адмяніў, паколькі Пепе дакрануўся да мяча, апынуўшыся ў становішчы «па-за гульнёй».
Такім чынам, упершыню на буйных турнірах галоўны арбітр скарыстаўся падказкай калегаў, якія паглядзелі відэапаўтор.