Васілю Быкаву сёння споўнілася б 93

Пісьменнік, які з'явіўся на свет 19 чэрвеня 1924 года, праславіў Беларусь на ўвесь свет.

Сёння класіку беларускай літаратуры Васілю Быкаву споўнілася б 93 гады. Пісьменнік з'явіўся на свет 19 чэрвеня 1924 года ў вёсцы Бычкі Ушацкага раёна Віцебскай вобласці.

«Белсат» сабраў самыя важныя факты пра пісьменніка, які праславіў Беларусь на ўвесь свет.

Яшчэ школьнікам Васіль Быкаў пераклаў на беларускую мову «З гарматы на Месяц» Жуля Верна. У час вайны ўдзельнічаў у баях у Балгарыі, Румыніі, Вугоршчыне, Югаславіі, Аўстрыі. Аповесць «Мёртвым не баліць» была забароненая ў СССР амаль на дваццаць гадоў. На аснове аповесці «Альпійская Балада» былі створаны кінафільмы, спектаклі, інсцэнізацыі для радыё, балета, оперы, сімфоніі. Апошнія гады жыцця пісьменнік правёў у вымушанай эміграцыі.