Амерыканскі настаўнік стаў знакамітым дзякуючы Трампу і вееру
- 19.06.2017, 10:48
- 16,865
Прэзідэнт ЗША параіў настаўніку дзейнічаць і дазволіў парушыць афіцыйны пратакол.
Амерыканскі настаўнік з Род-Айленда праславіўся ў інтэрнэце, сфатаграфаваўшыся з прэзідэнтам ЗША Дональдам Трампам у незвычайным амплуа, паведамляе ВВС.
29-гадовы Нікас Яніпулас, які атрымаў званне настаўніка года ў сваім штаце, разам з іншымі педагогамі з усёй краіны прыехаў у Белы дом для сустрэчы з прэзідэнтам.
Аднак менавіта ягоная фатаграфія з Дональдам Трампам і першай лэдзі Мелані атрымала тысячы «лайкаў» - шмат у чым дзякуючы вееру, які ён прадэманстраваў на здымку.
Сам прэзідэнт, са слоў Яніпуласа, назваў веер стыльным.
«Я ўсяго толькі спытаў прэзідэнта: «Вы не супраць, калі я буду з веерам на фатаграфіі?» На што Трамп адказаў: «Без пытанняў, давай». Так што, я дастаў свой веер і падрыхтаваўся пазіраваць».