Шэсць унікальных здымкаў каманды, якая 10 гадоў таму ўлюбіла Беларусь у баскетбол

У 2007 годзе наша жаночая нацыянальная каманда ўпершыню выйшла ў фінальную частку чэмпіянату Еўропы.

Гэта ўжо само па сабе было падзеяй для беларускага баскетбола. Дэбют на Еўрабаскеце атрымаўся трыумфальным. Беларускі прабіліся ў плэй-оф, дабраліся да паўфіналу, а ў матчы за бронзу падолелі Латвію. Тады шыкоўная каманда Буяльскага толькі пачынала сваё ўзыходжанне, піша by.tribuna.com.

Праз 10 гадоў беларуская баскетбалістка Алена Леўчанка на сваёй старонцы ў Facebook падзялілася фатаграфіямі той пары. На здымках зусім маладыя Наталля Марчанка, Таццяна Троіна, Наталля Трафімава, Кацярына Сныціна, Наталля Ануфрыенка, Вольга Падабед, сама Леўчанка.