Менскае метро пазбавіцца свайго галоўнага сімвала

Да 2018 года на ўваходах на станцыі метро не застанецца жанчын-кантралёраў.

Прыкладна да сярэдзіны 2018 года на ўсіх станцыях метро жанчын-кантралёраў на ўваходах заменяць інспектары службы бяспекі, распавялі агенцтву «Мінск-Навіны» ў менскім метро:

«Пачалі мы такі эксперымент з найменш загружаных станцый - «Першамайская» і «Купалаўская». Сёння на ўсёй 2-й лініі, акрамя «Маладзёжнай», «Кунцаўшчны» і «Каменнай Горкі», замест кантралёраў працуюць супрацоўнікі службы бяспекі метрапалітэна. У кожным вестыбюлі іх па двое».