Сіноптыкі: У панядзелак будзе да +26 градусаў

У Беларусі 26 чэрвеня на большай частцы тэрыторыі краіны чакаюцца дажджы.

Заўтра чакаецца пераменная воблачнасць. На большай частцы тэрыторыі краіны 26 чэрвеня прагназуюцца кароткачасовыя дажджы, у асобных раёнах навальніцы.

Вецер будзе заходні сярэдні, пры навальніцах парывісты. Тэмпература паветра ўначы складзе 12–18 градусаў вышэй за нуль. Удзень будзе ад плюс 18 па паўночным захадзе да 26 градусаў цяпла па паўднёвым усходзе краіны, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя.