Названыя бюджэтныя топ-напрамкі для адпачынку ў Еўропе
1- 25.06.2017, 17:51
- 18,980
На першым месцы апынуўся рэгіён Астурыя на поўначы Гішпаніі.
Кампанія Mastercard апублікавала рэйтынг малавядомых турыстычных месцаў для бюджэтнага адпачынку ў Еўропе. Лідарам спісу стаў рэгіён Астурыя на поўначы Гішпаніі, піша korrespondent.net.
Вядома, што ў Астурыі размяшчаецца Кавадонга, якая з'яўляецца месцам пакланення і паломніцтва хрысціянаў. Акрамя таго, тут знаходзяцца два возеры, што карыстаюцца папулярнасцю сярод падарожнікаў.
Другую пазіцыю ў спісе заняў найстаражытнейшы горад Мальты Зебудж. Заснаваны населены пункт быў яшчэ ў 1282 годзе. Да гэтага часу ў ім застаецца царква, пабудаваная ў 1736 годзе.
На трэцяй пазіцыі Зальцкамергут – гістарычная вобласць у Аўстрыі. Гара Дахштайн, размешчаная на яго тэрыторыі, занесеная ў спіс Сусветнай спадчыны ЮНЕСКА.
Акрамя таго эксперты згадалі ў спісе Азорскія выспы ў Партугаліі, вёску Ледніцэ-Вальтыцэ ў Чэхіі, востраў Саарэмаа ў Эстоніі, мыс Калка ў Латвіі і іншыя месцы.