Камбайны «Палессе» патрапілі ў польскую кампутарную гульню
2- 26.06.2017, 9:17
- 16,618
Тэхніка «Гомсельмаша» будзе прэзентаваная ў кампутарнай гульні-сімулятары «Pure Farming 2018».
Польскія распрацоўшчыкі Techland дадалі ў гульню збожжаўборачныя камбайны «Палессе» GS575 і GS16, кормаўборачны камбайн «Палессе» FS8060 і іншую тэхніку. У сімулятары кожны гулец зможа стаць уладальнікам фермы ў ЗША, Калумбіі, Італіі ці Японіі, араць палі і прыбіраць ураджай розных культур.
У новай версіі «Pure Farming» камбайны «Палессе» будуць прадэманстраваныя ўпершыню. Выпуск гульні запланаваны на пачатак 2018 года, паведамляе часопіс «Беларуская сельская гаспадарка».