Cтудэнтка з Хайфы навучыла кампутар адчуваць сарказм

Вынаходніцтва маладой ізраільцянкі можа выкарыстоўвацца таксама і ў медыцыне.

Аўтаматычнае распазнаванне эмоцый у тэксце з'яўляецца вельмі складанай задачай. Над яе развязаннем працуе шмат даследчыкаў ва ўсім свеце - як праз камерцыйны патэнцыял, так і з навуковай цікавасці. Ідэнтыфікацыя эмоцый можа служыць сацыяльным і камерцыйным мэтам, палепшыць сувязь паміж чалавекам і кампутарам, дапамагчы людзям, якія выкарыстоўваюць сацыяльныя сеткі, піша vesty.co.il.

Нягледзячы на значнае прасоўванне ў гэтай галіне і поспехі ў аналізе эмоцый, існыя дадаткі не ўмеюць разумець сарказму, закладзены аўтарам. Напрыклад, калі мы даслоўна інтэрпрэтуючы саркастычную запіс у твітэры «Новы фільм «Фарсаж» - ну проста выдатны», то цалкам страцім яго сутнасць.

Латэм Пелед, якая вучыцца на другой акадэмічнай ступені на факультэце прамысловай інжынерыі ў Тэхніоне (Хайфа Ізраіль), распрацавала сістэму для інтэрпрэтацыі саркастычных заўваг. Гэтая сістэма, створаная пад кіраўніцтвам прафесара Раі Райхерта, называецца «sarcasm SIGN» (Sarcasm Sentimental Interpretation GeNerator).

Са слоў Пелед, «ёсць шмат сістэм па выяўленні сарказму, але гэта першая, якая інтэрпрэтуе сарказм у пісьмовым тэксце. Мы спадзяемся, што ў будучыні яна дапаможа сярод іншага людзям з аўтызмам і сіндромам Аспергера, якія маюць цяжкасці з успрыманнем сарказму, іроніі і гумару».

Новая сістэма заснаваная на машынным перакладзе, але ператварае саркастычныя выказванні ў простыя апавядальныя, свабодныя ад сарказму. Згаданая фраза «Новы фільм «Фарсаж»- ну проста выдатны» будзе перакладзеная так: «Новы фільм «Фарсаж» - жудасны».

Для таго каб навучыць сістэму разуменню сарказму, даследчыкі сабралі базу звестак з 3000 саркастычных твітаў, пазначаных менавіта як такія (#sarcasm) сваімі аўтарамі. Сістэма была пратэставаная суддзямі-людзьмі, і было знойдзена, што ў большасці выпадкаў яна дае праўдзівае разуменне выказвання - як семантычна, так і граматычна.

Латэм Пелед прэзентуе сваё даследаванне на прэстыжнай канферэнцыі Association for Computational Linguistics (ACL 2017) - якая будзе праходзіць у жніўні ў Ванкуверы (Канада).