Пад Слуцкам «змагаліся» ды-джэі сельскіх клубаў
3- 26.06.2017, 12:05
- 22,378
Незвычайнае мерапрыемства плануюць паўтараць кожны месяц.
Увечары 24 чэрвеня ў Мялешкаўскім цэнтры культуры і вольнага часу упершыню прайшоў конкурс ды-джэяў «Дыскатэчны рух-2017», паведамляе kurjer.info.
Ды-джэі сельскіх клубаў з вёскай Гацук, Казловічы, Лучнікі і Мусічы паказалі свае 20-25-хвілінныя праграмы.
Паглядзець на выступленне ды-джэяў сабралася блізу сотні гледачоў. Многія прыехалі з найбліжэйшых вёсак і Слуцка: блізу цэнтра культуры было прыпаркавана некалькі дзясяткаў машын. У фае ДК гасцям прапанавалі гарбату, каву і прысмакі ў імправізаванай кавярні.
Найлепшым ды-джэем першага раённага конкурсу стала Паліна Панамарова, дырэктарка Гацукоўскага ДК. Усім удзельнікам падарылі партатыўныя калонкі. А з паўночы ў Мялешках выступілі ды-джэі Салігорскага клуба «QUATTRO» (DJ`S, B-BOY, MC, PAPARAZZI).
Запрашаць ды-джэяў і ладзіць конкурсы ў Мялешках плануюць раз на месяц.