Парашэнка: Мы выкінем расейскія войскі з нашай тэрыторыі
6- 26.06.2017, 19:58
- 16,832
Прэзідэнт Украіны заявіў, што ягоная краіна ніколі не вернецца ў Расейскую імперыю.
Украіна будзе «перамагаць у рэформах» і прадоўжыць свой рух у Еўропу. Пра гэта заявіў прэзідэнт Украіны Пятро Парашэнка на брыфінгу ў Парыжы пасля сустрэчы з кіраўніком Францыі Эмануэлем Макронам, паведамляе карэспандэнт «Гордан».
«Мы абаронім свой суверэнітэт, нашу тэрытарыяльную цэласнасць і незалежнасць. Мы выкінем расейскія войскі з нашай тэрыторыі, нам больш нічога не трэба. Мы ніколі больш не вернемся да цара. Лёс Украіны, шчасце Украіны, - у Еўропе. І пачалося гэта тысячу гадоў таму. Таму няхай жыве Францыя, жыве рэспубліка, і слава Украіне», - заявіў ён.
Узброены канфлікт на ўсходзе Украіны прадаўжаецца з красавіка 2014 года. Баявыя дзеянні вядуцца паміж Узброенымі сіламі Украіны і прарасейскімі баевікамі, якія кантралююць частку Данецкай і Луганскай абласцей.
Расея анэксавала Крым і Севастопаль пасля незаконнага рэферэндуму 16 сакавіка 2014 года.