Жодзінцаў абклалі падушным падаткам на $25
65- 27.06.2017, 13:52
- 9,657
Прадпрымальнікі, якія заплацілі новы падатак, нават змогуць патрапіць на «Дошку гонару».
У Жодзіне ўвялі новы падатак у сувязі з «добраўпарадкаваннем горада». Пра гэта сайту Charter97.org паведаміў чытач.
«Лісты шчасця», якія паведамляюць аб новым паборы, пачалі прыходзіць кіраўнікам прадпрыемстваў, фірмаў і жыхарам горада, зарэгістраваным у якасці ІП.
У «паведамленнях», якія падпісалі старшыня Жодзінскага выканкаму Ю.А. Шары, старшыня мясцовага «савета дэпутатаў» Н.М. Сушко і старшыня гарадскога савета прадпрымальнікаў А.В. Будзько, пераканаўча рэкамендуецца ва ўстаноўлены тэрмін перавесці гарадскім уладам па 50 рублёў (блізу $25) з кожнага працоўнага чалавека.
Мэта пабораў - рэканструкцыя праспекта Міру ў Жодзіна. Тым, хто заплаціць «падушны чынш», абяцаюць нечуваныя даброты ад уладаў: напрыклад, могуць змясціць на «Дошку падзякі».