Дзве нестыкоўкі ў словах Лукашэнкі аб супрацоўніцтве з В'етнамам
4- 27.06.2017, 17:14
- 22,061
На перамовах з прэзідэнтам В'етнама Чан Дай Куангам беларускі дыктатар сказаў шмат пазітыўнага.
Але ў дадатку на факты ўсё выглядае не так файна, піша «Салідарнасць».
- Дружалюбныя стасункі беларускага і в'етнамскага народаў...выніку паступальнага развіцця выходзяць на якасна новы ўзровень, - заявіў Аляксандр Лукашэнка.
На жаль, лічбаў у падмацаванне сваім словам ён не прывёў. А статыстыка ні пра які выхад на новы ўзровень не ведае. У апошнія гады тавараабарачэнне паміж краінамі паступальна падала, і ў 2016-м дасягнула найніжэйшай адзнакі за апошнія сем гадоў.
Яшчэ адна цікавая заява беларускага дыктатара:
- Да канца года ў В'етнаме плануецца стварыць супольную вытворчасць грузавой тэхнікі МАЗ.
Дык яна ўжо даўно была створаная. На вытворчых плошчах карпарацыі ВЕАМ з 2009 года збіралі грузавікі МАЗ - з паставак машынакамплектаў.
Іншая справа, што цяпер ідзе будаўніцтва асобнага новага завода. Што цікава - на месцы рысавага поля.
Але што характэрна: 70% статутнага фонду новага прадпрыемства атрымаюць в'етнамцы. А ў іх патрабаванне: за чатыры гады лакалізаваць вытворчасць на 40% за кошт мясцовай камплектацыі, паведамляе сайт МАЗа. Гэта значыць, паступова грузавікі будуць станавіцца не беларускімі, а в'етнамскімі.