29 сакавiка 2024, Пятніца, 14:46
Падтрымайце
сайт
Сім сім,
Хартыя 97!
Рубрыкі

Спікер польскага Сейма: Наша бачанне ЕЗ- гэта Еўропа салідарных дзяржаў

Спікер польскага Сейма: Наша бачанне ЕЗ- гэта Еўропа салідарных дзяржаў
ФОТА: PAP / JACEK BEDNARCZYK

Польшча перадала Вугоршчыне старшынство ў Вышаградскай групе.

Сімвалічная перадача кіравання саюзам чатырох дзяржаў прайшла ў Вавельскім замку ў Кракаве.

Спікер польскага Сейма Марэк Кухціньскі перадаў старшыні Нацыянальнага сходу Вугоршчыны Ласла Кёверу стырно праўлення. Іх сімвалізаваў перазвон, паведамляе «Радыё Польшча».

«Хай чысты гук звона спадарожнічае поспехам чарговае старшынство ў Вышаградскай групе. Наша бачанне Еўрапейскага звязу - гэта Еўропа салідарных дзяржаў», - адзначыў Марэк Кухціньскі.

У сваю чаргу Ласла Кёвер адзначыў, што Вугоршчына гатовая даць выразны сігнал, што Вышаградская група спрыяе стабілізацыі ў Еўропе.

«Перад намі няпростыя перамовы, у тым ліку датычныя «брэксіта» і міграцыйнага крызісу», - заявіў кіраўнік Нацыянальнага сходу Вугоршчыны.

ЛАСЛА КЁВЕР (ЗЛЕВА) І МАРЭКА КУХЦІНЬСКІ (У ЦЭНТРЫ).
FOTO: PAP / JACEK BEDNARCZYK
Напісаць каментар

Таксама сачыце за акаўнтамі Charter97.org у сацыяльных сетках