Ва Украіне запрацавала новая сацсетка

Пасля блакавання «Вконтакте» і «Одноклассников» украінцы пераходзяць на новую сацыяльную сетку.

3 чэрвеня пачала працу бэта-версія сацыяльнай сетцы Ukrainians, распрацаванай для ўкраінскай аўдыторыі. За некалькі дзён у ёй зарэгістраваліся дзясяткі тысяч чалавек, піша tut.by.

Пакуль у сацыяльнай сетцы ёсць магчымасць толькі для рэгістрацыі. Мяркуючы з заблакаваных значкоў, у будучыні можна будзе адпраўляць паведамленні, дадаваць сяброў, праглядаць іх навіны і слухаць музыку.

«Поспех Ukrainians наўпрост залежыць ад вас і вашай актыўнасці, таму чакайце новыя функцыі пры дасягненні за 100 000 зарэгістраваных карыстальнікаў», - тлумачаць стваральнікі сэрвісу. На момант напісання нататкі ў сацсетцы было зарэгістравана больш за 30 тысяч чалавек.

Нагадаем, 16 траўня прэзідэнт Украіны Пятро Парашэнка падпісаў указ пра новыя санкцыі супраць Расеі. Гэта блакаванне расейскіх сацсетак і прыпыненне вяшчання расейскіх тэлеканалаў. Пад санкцыі трапіла расейская карпарацыя Mail.Ru Group і яе ўкраінскі філіял.

Украінскім правайдэрам цяпер забаронена выконваць паслугі для доступу да рэсурсаў сэрвісаў «Mail.ru», «Вконтакте» і «Одноксассникі». Таксама для жыхароў Украіны быў заблакаваны доступ да ўсіх сэрвісаў «Яндэкса» - сістэмы пошуку, агрэгатара навін, надвор'я, карт, раскладу і перакладчыка.