Нецвярозы кіроўца з Украіны таранам прарваўся ў Беларусь
3- 1.07.2017, 13:47
- 22,111
Беларускія памежнікі вярнулі яго ўкраінскаму боку.
На мяжы з Беларуссю п'яны мужчына спрабаваў прарвацца праз прапускны пункт, паведамляе Дзяржаўная памежная служба Украіны.
Легкавы аўтамабіль «КІА» прыбыў у міжнародны аўтамабільны пункт пропуску «Славуціч». На пад'ездзе да пункта пропуску кіроўца рэзка паскорыў аўто і, праігнараваўшы патрабаванне памежнага патруля аб прыпынку, пратараніў шлагбаўм.
«З пашкоджанай лабавой шынай аўтамабіль прадаўжаў рухацца ў кірунку мяжы. Каб спыніць парушальніка, памежны патруль неадкладна задзейнічаў сродкі прымусовага спынення транспартных сродкаў, але аўтамабіль вырваўся з пункта пропуску. Парушальніка дзяржаўнай мяжы на знявечаным аўто адразу затрымалі на тэрыторыі сумежнай краіны. Інфармацыя аб парушальніку беларускім калегам была перададзеная неадкладна. Яго вярнулі ўкраінскаму боку», - гаворыцца ў паведамленні.