У Брусэлі стартуе першы раўнд перамоў аб Brexit

Дэлегацыі Вялікабрытаніі і ЕЗ цягам чатырох дзён абмяркуюць фінансавыя і гандлёвыя пытанні пагаднення.

Міністр Вялікабрытаніі аб выхадзе краіны з ЕЗ Дэвід Дэвіс і кіраўнік перамоўнай групы Еўразвязу Мішэль Барнье сёння, 17 ліпеня, правядуць у Брусэлі сустрэчу, якая адзначыць пачатак першага раўнда перамоў аб Brexit. Перамовы двух дэлегацый будуць доўжыцца чатыры дні, паведамляе Reuters (пераклад - liga.net).

"Мы нядрэнна пачалі ў мінулым месяцы і на гэтым тыдні пяройдзем да сутнасці пытання. Абарона правоў усіх нашых грамадзян з'яўляецца для мяне прыярытэтам у гэтым раўндзе, і я разумею, што ў гэтым мы павінны дамагчыся рэальнага прагрэсу", - сказаў Дэвіс перад сустрэчай.

Ягоны офіс назваў прапанову аб правах грамадзян ЕЗ у Вялікабрытаніі пасля Brexit, зробленую афіцыйным Лонданам у мінулым месяцы, "справядлівай і сур'ёзнай", хоць Барнье адпрэчыў, бо яна не адпавядае патрабаванням Еўрапейскага Звязу.

У ходзе перамоў рабочыя групы засяродзяцца на трох кірунках - правы грамадзян; патрабаванне Брусэля да Вялікабрытаніі выплаціць блізу €60 млрд для кампенсацыі бюджэтных абавязанняў ЕЗ; іншыя пытанні, што адбудзецца з брытанскімі таварамі ў крамах ЕЗ у дзень Brexit.

Чацвёртай тэмай перамоў стануць праблемы ў Паўночнай Ірландыі, якія ўзнікнуць пасля ўсталявання наземнай мяжы паміж гэтай брытанскай правінцыяй і краінай-чальцом ЕЗ Ірландыяй. Некаторыя з іх тычацца тлумачэння ў будучых гандлёвых дачыненнях, адзначае Reuters.

Закончыцца першы раўнд перамоў прэс-канферэнцыяй, запланаванай на чацвер, 20 ліпеня.

11 ліпеня 2017 года паведамлялася, што Еўрапарламент пагражае накласці вета на перамовы аб Brexit, патрабуючы прапанаваць іншыя ўмовы для грамадзян Еўразвязу, якія пражываюць у Вялікабрытаніі.