19 лiстапада 2017, Нядзеля, 8:09

Таварнае абарачэнне Беларусі і Украіны ідзе на рэкорд

2

Ільвіную долю экспарту Беларусі складаюць нафтапрадукты.

17-18 ліпеня ў Кіеве пройдзе пасяджэнне беларуска-ўкраінскай змяшанай камісіі гандлёва-эканамічнага супрацоўніцтва.

Экспэрты з дзвюх старон будуць раіцца, як стымуляваць гандаль, палепшыць супрацоўніцтва ў вытворчай кааперацыі, машынабудаванні, транспарце, аграпрамысловым комплексе, перадае «Радыё Свабода».

Летась Беларусь і Украіна здолелі зліквідаваць ключавыя бар'еры ва ўзаемным доступе на рынкі. Знятыя пытанні тэрмінаў дзеяння санітарна-гігіенічнай экспэртызы для ўкраінскай прадукцыі, якая ўвозіцца на тэрыторыю Беларусі, скасаваная спецыяльная мыта 39,2% на шэраг беларускіх тавараў, імпартаваных ва Украіну.

У выніку ў 2016 годзе сума таварнага абарачэння склала 3,8 мільярда даляраў з прыростам 10%. Украіна пацвердзіла статус другога значнасцю гандлёвага партнёра Беларусі. Яе дзель у агульным таварным абарачэнні Беларусі склала 7,5%. У сваю чаргу дзель беларускай прадукцыі ва ўкраінскім імпарце таксама складае больш за 7%.

Добрая дынаміка адзначаная і сёлета. У студзені-траўні таварнае абарачэнне вырасла на 26,7% і склала больш за 1,7 мільярда даляраў, пры гэтым рост аб'ёму паставак адзначаны з абодвух бакоў. Паводле папярэдніх падліках, за першую палову года таварнае абарачэнне Беларусі і Украіны перасягнула 2 мільёны даляраў.

Агульны экспарт склаў 2 мільярды 848 мільёнаў даляраў, з якіх 1 мільярд 749 мільёнаў - нафтапрадукты. Таксама Беларусь экспартуе ва Украіну газ, бітум, угнаенні.