Беларусы паехалі «падшабашыць» у Маскву і засталіся без грошай
45- 18.07.2017, 14:22
- 15,323
Увесь заробак канфіскавалі беларускія міліцыянты.
Два жыхары Лельчыцаў 31 і 32 гадоў шабашылі ў Маскве, як і многія. Разлічвацца за працу пастанавілі ў Беларусі. Масквіч прыехаў у прыдарожную кавярню на трасе М10. Тут іх усіх і выявілі супрацоўнікі міліцыі. Праваахоўнікі канфіскавалі блізу 200 тысячаў расейскіх рублёў, піша onliner.by.
– Міліцыянты валодалі інфармацыяй пра тое, што 31-гадовы і 32-гадовы жыхары г. Лельчыцаў выязджалі на заробкі ў Маскву, – паведамілі ва УУС Гомельскага аблвыканкама. – У адзін з ліпеньскіх дзён беларусы павінны былі атрымаць заробак. Разлічыць іх меў намер расеец, які прыехаў у Беларусь. Яны сустрэліся ў прыдарожнай кавярні.
53-гадовы масквіч перадаў двум лельчукам належныя ім грошы, але не беларускімі купюрамі, а грашовымі знакамі Цэнтральнага банка Расейскай Федэрацыі. За працэсам выплаты заробку працадаўцу і будаўнікоў заспелі супрацоўнікі міліцыі.
Увесь заробак беларусаў канфіскавалі, акрамя гэтага, інспекцыя ў падатках і зборах Калінкавіцкага раёна склала адміністрацыйныя пратаколы паводле п.п. 1.2 п. 1 ч. 1 Указа Рэспублікі Беларусь №49 ад 09.02.2015.
Акрамя пазбаўлення заробку, ім пагражае штраф ад 50 да 100 базавых велічыняў (ад 1150 да 2300 рублёў).