Depeche Mode паведаміў, што канцэрт у Кіеве адбудзецца

Вакаліст Depeche Mode, напярэдадні шпіталізаваны ў Менску, адчувае сябе лепш, еўрапейскае турнэ доўжыцца.

Найбліжэйшы канцэрт гурта Depeche Mode у Кіеве, 19 ліпеня, адбудзецца. Пра гэта гаворыцца на афіцыйнай старонцы гурта ў Facebook.

"Мы рады паведаміць, што стан Дэйва (вакаліста гурта Дэйва Гаана. - Заўвага.) палепшыўся", - заявілі gordonua.com ў прэс-службе.

Адзначаецца, што сёння гурт прыедзе ва Украіну.

"Гурт з нецярпеннем чакае наступных шоу ў еўрапейскім летнім туры і будзе рады бачыць усіх фанатаў у Кіеве заўтра, у Варшаве - у пятніцу і ў Клужы - у нядзелю", - паведамілі ў прэс-службе.

Інфармацыю пра скасаванне канцэрту ў Менску гурт абяцае агучыць найбліжэйшымі днямі.

Гаана шпіталізавалі 17 чэрвеня ў Менску праз праблемы са страваваннем. Арганізатары канцэрта даведаліся пра гэта за паўтары гадзіны да пачатку імпрэзы.